كلمات أغنية محسومة

علي مركاي متنومس واقند دلــة الرسلان
بدعــت الشعر والأبيات بالأفكار منضومه

يعين الله في الميدان راعي الهجن والهجان
إذا اختلفت موازينه وإلا من ضاعت اعلومه

مادام ان التحدي حان أنا عندي عليه رهان
اشوف ان النتيجه من قبل تبدون محسومه

إذا حــول شعار احمر كنه من لهب نيران
علي هجن الرياسه صورت الناموس مرسومه

تزعم وتغطرس لافتتاح الريس وترومه

عليك اللوم ياللي تحسب ان الفوز بالمجان
يا كم واحد لفا بحلوم لكن ضاعت حلومه

نوادر شرد ارقاقن وحلاهن يسحر الأعيان
وفيهن من بنات الريح سد وسرعه وقومه

من السبق القوي يتراكتن ذير كما الغزلان
جميع منافسيها من حقوق السبق محرومه

مادام اللي وراها شيخنا سلطان بن حمدان
من يراهن على اسمه من هو اللي يقدر يلومه

الى منه وقف تاقف له الدنيا وقوف اذعان
يعدل الميل والمهموم يجلا عنه همومه

وله في كل مبدا هومتن ما بعدها هومة

مضريها علي حصد السيوف بساحة الميدان
يسيرهن حسب خطته وبنظرته وعزومه

فلاحي نواميسه تعلق في سماء الأوطان
عليها بصمته وبصفحة التاريخ موسومه

ندي الكف طلق حجاج وأغدق من وبل هتان
علي الطولات متعود وذي عادته من يومه