كلمات أغنية محبوبة الناس

يامـــرحبا يا نادرة شكـــل واجناس
يافــــــارقه بالسبق صعبـة مراسي

ياشيخة في الهجــن يادرة المــاس
يابدر منــــــــور في ليالي الغلاسي

الله يكثر لي مثل نــــوع ريمـــاس
الـدره اللي سبــقـهــا مايقــــاسي

لونافست في شوطها قـب الافراس
ماعينــــــو في الارض الها مداسي

عـز الله انه شـــوط ضغط حـماسي

الهجن لي من خلفها تقول حراس
كنها زعيم وسط مـــــوكب رئاسي

راحت بسيـف دبي محبوبة الناس
إنشهـــــد انها من احـب الاماسي

واهـدته شيخ وحاكم من بني ياس
وروح لقصر البحــر سيف خماسي

شيـــخ نواميسه لها اصل وساس
بوخـــالد اللي طيبتـــه ماتقاسي

هذي عـــوايد لرياســـه ونوماس
ولا هو يـــــوردها سوا شيخ ياسي

راعي الخطط لمحنكه والسياسي

عادات له وقت التحدي قوي باس
ويرسي كما ترسي الجبال الرواسي

امنافسينه تضرب أخماس بخماس
وعينه تراقب حصد سيف سداسي