كلمات أغنية قيود الصمت

قيود الصمت

بكسر قيود الصمت واحرر البوح
مادامها هاضت هجوس القريحة

تعبت وانا من طواريك مذبوح
والضيق من صدري وش اللي يزيحه

مدري على اية درب من طيفك اروح
ضيقت في عيني فجوج الفسيحة

في داخلي جرح من العام مفتوح

اعتقني من الهم والحزن والنوح
وارحم مشاعر من غيابك جريحة

دام الغلا لازال في جذوة الروح
اخاف غيرك لا يجي يستبيحه

تعال والحق مابقى بي ومسموح
عن كل جرح وكل طعنه وصيحه

ياللي خذيت الحب تقزير ومزوح
حاذر على عرش الهوى من مطيحة

ما عاد ينفع لا سجع نايح الدوح
على قلوب من المفارق طريحه

انا ضحية بعد وفراق ونزوح
متى بنرجع لليالي المليحة

خل المواصل بيننا برقه يلوح
مشفي لـ هتانه وذعاع ريحه

احتاج لك قصه بها صدق ووضوح
قصه بها عيني تبيت مريحة

درب الجفيا مالنا فيه مصلوح
انا نصحتك لوتحب النصيحة