كلمات أغنية خثعم التاريخ

يا اله نطلبه كل يوم وكل ليل
دلني يالله لجزل الحكم وسمانها

أنا مامريت صدفه ولاعابر سبيل
موعد رسمي وفرصه حسبت اثمانها

ما علي من المسافه ولا الخط الطويل
دعوة الطيب ما حنا نجنب شانها

ياضيوف شرفوا مرحبا ترحيب هيل
باسم خثعم واسم شيخانها واعيانها

عمره طويل
من مراويس القبيله ومن فرسانها

في مقام مشاري الونعم الشهم الأصيل
الشهادة نالها والمراجل صانها

وال محسن مايربون لاش ولا بخيل
يحتمون القاله ويكسبون رهانها

والنسيب ابو علي بالوفا ماله مثيل
مايقول الكلمه الا على برهانها

خثعم التاريخ والمجد والفعل الجميل
ماتصدر صفحه الا وحن عنوانها

حنا خثعم يا عرب ما نعرف المستحيل
خثعم الامجاد والمرجله سيسانها
لابتي بين القبايل لها وزن ثقيل
الفخر والطيب لا من حضر ميدانها

المذاهب والشيم والعوايد ماتميل
ماتغير مستواها ولا ميزانها

والله يحفظ دولة الحق والراي الدليل
في عهد قاداتنا محمد وسلمانها