كلمات أغنية سادتي ياهل الرياض

يا سادتي ياهل الرياض
ما لي على الزين اعتراض
صافي حمار صافي بياض
والزين كلا يطلبه
بالله يا خلي الجميل
اعمل معاي المستحيل
شرح القضية لي طويل
والشرح الاخر بكتبه
هذي التحية والسلام
ياهل المحبة والغرام
والقصد من ذاك الحمام
يا بخت من هو ينهبه
لكن طريقه لي عسير
مثل الحمام اللي يطير
ما كل واحد يقضبه
اهل المحبة صابرين
والله يعين الصابرين
هذي قلوب العاشقين
بالحب دايم متعبة
يا هل ترى هم سالمين
والظن ماهم سالمين
هم يحسبوهم غالبين
والحب ما احدا يغلبه
كم من غلط كم من صحيح
بين المعنى والمليح
كلا بوده يستريح
لكن حبيبه يغصبه
ياخذ كلامه بالقبول
والزين كم ياخذ عقول
ماوده انه يغلبه
مثلي انا صارت علي
من صاحبا يضحك علي
وانا اسمعه يكذب علي
ولا قدرت اكذبه
احترت في رد الجواب
خوف التجني والعتاب
صابر على هذا العذاب
والصبر انا له ملعبة
يا ذا الدلال الجاذبي
والله ماني كاذبي
خايف انا من صاحبي
ما كل شيء يعجبه
والله ما له منفعة
كم صاحبا له يمنعه
يا ليت من يجلس معه
والشاهي عنده يشربه
كم لي وانا بكلمه
واقول يالله سلمه
والسر ما احدا يعلمه
لكن بغيته ينتبه
اهديت له كل القصيد
والفن ما ينقص يزيد
بكتب عليه اسمه جديد
والاسم الاول بسحبه
ياهل الهوى ما من هجوع
والحب ما بين الضلوع
خلى العيون تبكي دموع
وقلوب منه معذبة
يا ناس انا شفت العجب
ما بين راحة والتعب
والفن مع زين الادب
معلوم كل يرغبه
هذي القصيدة وانتهت
والحسن في ما شبهت
والنفس تقبل ما اشتهت
والحب يا من جربه