كلمات أغنية الوداع
أدري إن الحب ما يكمل هناه
والفرح لو طال الوقت امحسوب
وادري إن الشمع ما يدفي ضياه
تشتعل ناره وبالشعلة تذوب
والوداع المر يكوينا لظاه
والبكا لو ذنب ما نقدر نتوب
ينزع التوديع قلبي من سلاه
وجهي الضاحك بلونه الشحوب
لا ذكرت اللي سبا قلبي هواه
انهمر دمعي على خدي صبوب
كل ما هبت نسايم من شذاه
هب ريح الشوق في قلبي هبوب
بعد فرقاه ابتدا قلبي شقاه
من يسليني وهو عني امحجوب
وين ذا البدر يطلع لي ضياه
وين هي طلتك يالغصن اللعوب
قلبي المتعوب بعدك من عناه
لو بغى يضحك على الضحك مغصوب