كلمات أغنية الزار

باسمك صرخت وصابني نشوة الزار ... وشلون اخفي الحب واكتم شعوري
يا انا احبك حب في الكون ماصار ... قربك منى قلبي وغاية سروري

كل الخليج الف ما صدت الاخبار ... وينك حبيبي جاوب الصوت فوري
لولاي احبك ما تحديت الاخطار ... ولا اعتزلت الناس واطفيت نوري

امشي وحيد وسارح الفكر محتار ... في عالم العشاق ضيعت دوري
أهل السمر لا دقوا الدف والطار ... غصب علي اذكره واكشف غروري

في الحب كن مابين جولة ومشوار ... واليوم هان النفس وحطم غروري
باسمك صرخت وصابني نشوة الزار ... وشلون اخفي الحب واكتم شعوري