كلمات أغنية لمن تخلوني

لا تخلوني معا دمعي اهيم واتالم
اشتكي واصيح في ليل الشتا لي مظلم
خففو عني فاني من سلاكم معدم
من سنين قلبي معذب ماعرف هالراحه

لمن تخلوني وانتم كل شي في عمري
ما يصير اتعب وانتم فالسلى والراحه

ذبلت ازهاري وعمري راح في احزانه
واستضاف قلبي هموم الارض في ميدانه
وسط سهد الليل عيني لاجلكم سهرانه
دامعه تبكي بحالي فالهوى فضاحه

لمن تخلوني وانتم كل شي في عمري
ما يصير اتعب وانتم في السلى والراحه

انقذو المتعوب راجي منكم انصافه
حالته حاله صعبه فالهوى اوصافه
منتحل لحمه تعذب كل من قد شافه
داميه تبكي في وسط الحشى اجراحه

لمن تخلوني وانتم كل شي وفي عمري
ما يصير اتعب وانتم فالسلى والراحه

اكون بين الناس وفكري عندكم هو شارد
ان غمضت العين يجيني طيفكم لو راقد
لا تلوموني لان القلب له بس واحد
من عشق مثلي تزايد به انين صياحه

لمن تخلوني وانتم كل شي في عمري
ما يصير اتعب وانتم فالسلى والراحه