كلمات أغنية غايبي

القصيد اللي كما كيف بهاره
زعفران وهيل وعويدي يديره

فكر رجل ما تغيره الحضارة
ثابت محشوم عن فكر الحظيرة

على المبادي لوتشن ألفين غارة
دونها ياقف بعزم وقو غيرة

يتحمل للنتايج من قراره
يسشير ومعه رب يستخيره

فيه طيش يردعه طيب السريرة

والحصيف اللي تميز في الإدارة
ماتعذر بالفشل وانشد مديره

والشريك اللي بعد طاح بخسارة
العوض ماهو قبل وقفة خشيره

الكريم يجود والمدة شعاره
والبخيل يشح مايصخي الشعيرة

وقتي اللي ذقت حلوه والمرارة
وموت فرح وعيشة أحزان مريرة

كل ليل نحتري طلعة نهاره
وكل صبح يختفي قبل الظهيرة

ماوجدت اللي يبي يبعث بشيره

كل حمل كن على متني مطاره
وكل رحلة في محطتها الأخيرة

الفرج من مدة وحن في انتظاره
يجعل الكربة من الماضي وسيرة

غايبي اللي قد تغرب عن دياره
حاضر علمه علا في كل ديرة

بنت شيخ منزله فوق الأمارة
راس قوم كل طيب هو أميره

في القعم يذكر ليا عدوا كباره
وفي السهل له مكنة تذكر كبيرة

صاحبي اللي فاطن لي بالإشارة
أشهد إني وقت الأريا أستشيره

والله إني جبره إللي في انكساره
وإنه جبري وإنه روحي له كسيرة

كل عيد تصيبني حمى الحرارة
يابرود العيد في غيبة عشيره

الفرح من عقبه موقف مساره
وانتهض حزني وتابع في مسيره

غصب عن قلبي ولاهو باختياره
حكمة الله ياعسى في الأمر خيرة