كلمات أغنية مهرة عرب

مهرة عرب چنها شكتب شعر عنها

هيبة الاسم اخت الزلم عشرة نعم منها

اني الاصيلة المارمت خيالها

بنت العشيره الفاح هيل دلالها

اني البعد اسمي تگول الناس

عشرة نعم من عمها ومن خالها

بنت الشيوخ الدوم عالي عگالها

اخت الرجال الشاهدات فعالها

الربتها امها ع الشرف هيهات

غير الطلبها من ابوها ينالها

حنا والطيب حنا الما ساوينا العيب

لو مرك زعل فد يوم حطنا عالجروح تطيب

من خيوط عز مطرزين لباسها

يا ذوقها وترتيبها واحساسها

من يا بلد هذا الجمال منين

هنيال ديرتها ومسقط راسها

اني وريثة عز عن جديني

تخسى الليالي بيوم تحني جبيني

بنت الكرام الشرعت بيبانها

شبعانه كلشي وماكو شي بعيني

الدنيا النا ومايغرنا مالها

الناطور عدنا والعنب وسلالها

النخله لو عليت علينا بيوم

نگصها والله مانوگف في ظلالها