كلمات أغنية النظرة الاولى
- كلمات
- سلمان الحجوري
- ألحان
- زياد ال زاحم
مع زحمة المشاعر اللي تدحم في كل ليل
يفيض بحر الشعر ويمده بعد سبعة بحور
كله لعين الجادل اللي عشقها ماله مثيل
لو كل يوم اكتب قصيدة ماسلمت من القصور
بنت الشيوخ اللي لهم بالمجد تاريخ وجميل
اهل النسب واهل الحسب معدن مصفى مايبور
وكل الذرابه والشهامه فيك ي العرق الاصيل
والعقل والعفه وقصر العز ثابت ومعمور
عشقك وحبك والغلا يعانق الجدي وسهيل
انت الحياة بكل ماتعنيه والباقي قبور
فديت عينك عين من وكره على الظلع الطويل
وجديلك الليل العتيم معطره ب اغلى بخور
وطلت جبينك كنها نور يغطي كل نور
وباقي الوصايف دونها التشفير والحصن الجليل
النصف منها لو بقوله مابقى للبيض دور
الله يحفظك من شرور الخلق والوقت المهيل
استغفر الله بعد ماصرتي معي كلي غرور
حبيبتي والنظره الاولي سهم يبقى نزيل
يسكن بوسط القلب لا يوم التنادي والنشور
مناهج العشاق تصبح درس جيل ن بعد جيل
والعشق له مفهوم وابسط ما يقال انه شعور
طيره يحلق في سماء العشاق وصفه مستحيل
يبقى ويبقى لين يبعث كل منهم ف القبور