كلمات أغنية احنا جيل وانتوا جيل

حدود الفكر والتفكير فى الحقيقة ملكى
بس ملكى مش مساعد ان حدودى تكفى
تسند ضعف عزمى ولاصل حلمى تحمى
ف فضلت اعافر ف صمتى ابنى ف حيطان مدينتى
بس ياسى من عالمكوا خنجر كان ف صدرى
جرح بكره المضمون من ساعات الياس
خلى املى ف الحياة طاقة كانت بالعكس
تكشف كل سلب وتسلب كل حق
تعفى نفسى من النضال والصراخ بلا
اختيارى لاختياركوا وعد واتفاق
انى امضى ع الضمانة واحلف بالولاء
اسف مش هساعد اكون لحلمى باعد
الخروج عن المضمون فكرة مش مالوفة
والمالوف للعقول فكرة كانت موصوفة
تحجم كل جامح تربط كل حى
تمحى من قاموس حياتك ان بكرة جى
جى غصب عنى لو هتكون معايا
كذبة واضحة من البداية وعايشة للنهاية
انت عكس فعلى انت كل ماضى
انت راضى الحقوق تضيع وتبقى عادى
فرق العمر والتفكير بين الجيل الحر
زى حبك للحياة واختيار المر
احنا جيل يحاول احنا جيل يغير
وانتوا جيل ف الحرية عمره كان قصير
سرق الامل منا واللى بيشكى يموت
كده او كده ميت فاصرخ بعلو الصوت
كل الشوارع لينا والثورة للثوار
والحر لو يسكت يبقى ملاه العار
طال الفرق بينا احنا بيننا شق
لا لكل صمت لا لكل خوف
لا بتلعن اختياركوا وتنكر الظروف
لا تصبر اللى خايف حتى ان صبره طال
لا تكسر الحصون حتى لو جبال
ساقط رغم حجمك مهما انك تكون
احنا نور الحقيقة ف عتمة الظنون