كلمات أغنية حلمنا يوم

جيبناها من تحت جيبناها
الدنيا دي كعب داير لفيناها
معاشوهاش ولا شافو اللي شوفناه
احنا محدش غيرنا وقف معانا

مش بنام علي ريش نعام
متوالدناش في قصور ولا حتي فيلل
بنحلم احلام مش نفس المقاس
اكبر بكتير من الواقع اللي احنا عيشناه

ويادنيا هاتي كمان هاتي
ضربك حنين مابيوجعش
بنمشي قدام مابنرجعش

عايشين ولسه الامل مالينا
بس الجروح مابتترقعش
عايشين بس القلوب في النعش
دا احنا اشترينا اللي مايتبعش

حلمنا يوم نبقي اتنين نجوم
مع كل واقعه لينا نشد بعض نقوم
اتحاربنا فيها وسمعنا كتير كلام
لاكن جوانا حاجه متعرفش الاستسلام

ف ضهر بعض و ايد ف ايد
هنعدي الصعب وهنسلك في الحديد
مشوار طويل ربك كبير
و هيجي يوم هيقرب كل شئ بعيد

دا بعد الصبر جبر
وهيجي اليوم ويتحقق
كل مستحيل وصعب

عافرت فيها كتير
واخدها شرق غرب
قد اي هده فيكي
هكسب اي حرب

ولا كان ع البال
اننا نشقي ونتعب
نطلع من حال ع حال
واحنا لسه عيال

بس الدنيا محلتناش
وجبتنا ووديتنا
خليتنا نلف بلاد
نشحت ونقول طبطبه لله