كلمات أغنية يضيق الليل

يضيق الليل بحدود المكان وينكسر مصبـاح
ويظهر للشجر ضـل هزيـل يبعثـر اطرافـي

واحس ان الدجا طوق مداي وثارت الأشبـاح
واحس بحمل يباري خطـاي ويثقـل اكتافـي

عطاهم ماعطا نفسه يموت من العطا ماطـاح
وهو يومه بغاهـم انكـروه وربـي الكافـي

ذخرتك ديم وغيوم وسحاب وبارق مالاح
لأني عاشقك رغم البعاد وجرحك الخافي

مدامك في بحور المستحيل الصعب مجدافي

ومدام انك معي عيب علي احسب حساب جراح
وانا ماقد توسدت الملام بقلبك الصافي

وانا عن سود الايام وقهرها لك ذرى وسلاح
وانا اطوي لك مسافات الدروب الممحله حافي

وعلى نورك بكمل وجهتي لو ينكسر مصباح
يا اجمل ماتوقعه الخيال وماكتب قافي