كلمات أغنية هني المعافا

ياوجودي على مضنون عينـي
وجد من طاح وارهى به عدوه
طاح من عقب ماطاحت ذلوله
وافقـوه اربعيـن بـوارديـه
كل واحد رماه بطلقتيني
شاف ماله بهم حيلن وقوة
لا رفاقه ولا عذرن يقوله
سلم امره لخلاق البرية
لا رسالة ولا خطن يجيني
انتحى واختلف نوي ونوه
اتمنى وانا ما نيب حوله
راح يــم الديار الاجنبية
صار ما لي على خلي اجروه
كن دون الغضي عشرين دوله
واحلالا ه دام النفس حية
ليتها بين اهل خلي وبيني
كان اخاطر بروحي واتفوه
كل رجلن يذكــر في فعــوله
كان هي طيبة والا ردية

من عيونـه طعنــي حربتيني
صوبن اسفل القلب وعلـوه
وين انا والحياة الله يهوله
ويش يبري الجروح اللي خفية
في حياتي جرحني مرتيني
جرح كامي وجرحن منه توه
جرح توه وجرح حال حوله
واهني المعافا وا هنيـه
التفت من يسار ومن يميني
لو يصيح المصيع ما عنوا له
كيف راحت من الناس الحمية
كن عوده مثل عود الرديني
في يد الفارس الظفر المفوه
ما بعد شفت زول مثل زوله
من عرفته وانا عيني شقيه
كان قلبك على الفرقا متيني
سوبي ما تبي يا زين سوه
كل كبد من الحب مغسولة
ما لها بالهوى شف ونحية