كلمات أغنية صابونة وخازوق

اخدنا صابونة ف عز ونظيف
وصفوت وعزمي وسرور الظريف
اخدنا صابونة ف عاطف عبيد
وياما هناخد صابون يا خفيف
وفتحوا المحاكم ف كل الجهات
صورية ونامت ع التحقيقات
وسهروا الليالي يعالجوا الرئيس
وسابوا الشباب الجريح لما مات
اخدنا صابونة وخازوق من حسين
واسبانيا عمت علينا الكمين
وادي نتيجة صحاب الرئيس
يتحكم ف مصر العميل والخسيس
لحد اللي نايم ما يصحى ويفوق
تجمعنا تااني ليالي الميدان
يا هتروح علينا جميع الحقوق
ولسه هناخد صابونة وخازوق
لحد اللي نايم ما يصحى ويفوق
تجمعنا تاني ليالي الميدان
لا حتروح علينا جميع الحقوق
ولسه هناخد صابونة وخازوق