كلمات أغنية ما كنت ادري

ما كنت ادري وش تخبي عيونك
يالين شفت الحب كله وانا وياك
وياك احس اني مكمل جنونك
واهيم في بحرك وانا طير في سماك

ماقدر اعيش العمر لحظه بدونك
يا غايتي الاولى ترا همي رضاك
في طلتك تملى السحاب بمزونك
ولا رحت كلي راح في مركب هواك

ودي اشيل الحمل من عا متونك
واقاسمك افراحي وكل الاضحاك
انت البدايه والنهايه فسجونك
اسعد سجين يعيش من دون ادراك

لا قلت ابغى قلت لك تم عونك
كل الكواكب و المجره و الافلاك
تحت الامر لا قلت تبغا يجونك
الكون كله تحت امرك وهو جاك

اضيع من عينك ورسمك ولونك
واضيع من دونك اذا طال لقياك
في مشيتك كل العرب يتبعونك
هيبه حضورك خلت الكل يبغاك

ماقدر اخونك لو عيوني تخونك
خانتك مع ضل يشابه محياك
لا تزيد في قولك ولا في ضنونك
قلبي يصونك لان عقلي تمناك

اغار اذا شفت البشر بيطرونك
اسمك بدا بالميم والقلب سماك
سماك بالمخفي لكي لا يرونك
كل العيون اللي تشوفك بتهواك