كلمات أغنية لا تغرك ضحكتي
لا تغرك ضحكتي والا اسلوبي
اعرف اعزاز النفوس من الرديه
كم وفوا لي ناس وكم ناس اغدروا بي
كم كسبت بطيب نيه سوء نيه
ناس من كثر المخادع ما تتوبي
وناس بيضان وصداقتها نديه
و ناس اغلتني وناس اغلت جيوبي
وناس اطالع ولا كانها عميه
كل هذا والجروح تزيد صوبي
و المجامل والتملق والخطيه
ما يغير ضحكة الوجه الرحوبي
مد يمناه دون ماهي موسميه
ودي اني اعطي المحتاج ثوبي
واعطي و لا انتظر رد العطيه
ما اجمع العالم ولا قول اسمعوا بي
نفسي من اطراء خلق الله غنيه
في بعض الاشياء اتقدم و انوبي
عن بني ادم جميع وعن بنيه
سجدة تغفر بها كل الذنوبي
خير من عيش الحياة القاحليه
يا مسولف بي على الطرق الكذوبي
عاقب الله من ظلم نفس بريه
يا صحيب الخير يا مثبت طنوبي
النصيحه روح الايمان القويه
الصحيح من العيوب اللي تشوبي
قولها في الوجه والنية مطيه
بارك الله في من اهداني عيوبي
و اشكره جدا عل هذي الهديه