كلمات أغنية عرضة الثنا والحمد
الثنا والحمد للي عليه المعتمد
كلمه التوحيد رفرف تحتها سيفنا
خلني اشيلها عنك تكفى يا ولد
بيننا حكامنا اللي تعدل كيفنا
ياهل البحرين يهل السعوديه مدد
هاتو اللي يقعد الراس من توليفنا
المحبه في الليال القديمه والجدد
ما يلون ورد خدانها الا طيفنا
دام عزك يا المنامه الى يوم الابد
للتفت طرف الرفاع التفت يا طريفنا
حل عبد الله ونور سما ديره حمد
حي ابو سلمان سيف القلوب وسيفنا
طيب من طيب راسه وطيب اهل البلد
دون ابو متعب ودونه قصر توصيفنا
قدم الاجرب وبادر ووفا بالوعد
جارنا يا دارنا جارنا حليفنا
ما نحط ظهورنا الا على ظهر وسند
نعدل الميلات بعزومنا ورهيفنا
سطونا بالملح يقدح شرر يقدح كمد
كل ما حفنا العدو لا تسل عن حيفنا
يا بومتعب فزه الحر يا طير السعد
كل ما شرفت عالي سما تشريفنا
نارك البارود طيب العيون من الرمد
فعل ابوك وفعل جدك شرح تعريفنا
هز غيم الشوق لين يتساقط لك برد
مثل ما هزيتنا حب يا غطريفنا
كل ما خلا خوي ن خويه وابتعد
ما تخلي يا قوي العزوم ضعيفنا
لا صفق صقر العروبه بجنحانه صعد
يعجبك يوم اللقا في السما رفيفنا
يا سلام الله علينا ملك شعب وبلد
نستضيف امه محمد ونكرم ضيفنا
منه المولى علينا ولا منه احد
العذوق عذوقنا والحبل من ليفنا