كلمات أغنية سحاب الشوق
خذ يا سحاب الشوق من خافقي الشوق
وارحل يا عل مسعاك درب السلامه
صوب الذي له شان والمستوى فوق
ودي سلامي وهات منه سلامه
اغليه وادري ان الغلا توه شروق
والحب ما ينقاس يومه وعامه
احد تشوفه سنين ومايملي الموق
واحد من اول نظره طحت ب غرامه
ذاك اللي شوفت ضحكته تبري العوق
اللي تبش الروح لهجة كلامه
هو عاصمة قلبي وهو قبلة الذوق
وانا غلاه اللي حشيم مقامه
في ابو ظبي والعين لي ساس وعذوق
من ناس ينصاها الفخر والشهامه
داري وداره دار وافين العروق
ومن هامة تشهد لها كل هامه
رح يا السحاب وبلغه وافي الشوق
واذا سال وشهو في قلبي مقامه
قله يشوف هناك وين القمر فوق
هذاك قدره وذاك عندي احترامه