كلمات أغنية الله يسامحها
هذي عسى ربي يسامحها
والا انا ماني مسامحها
اتحاول باطرافها تستر
وهو اللي اكثر شي يفضحها
ان اجلست يورد الكرسي
توقف الدنيا مسارحها
لانها خلاصه فتنه الفتنه
الله ياماحلاها وما املحها
ولامشت على الرصيف يقول
ياكوس تكفى هب واطرحها
ايه من ايات الله العالي
كل شي يتمنى يصافحها
الحزن يضحك كل ما تحزن
والفرح يبكي كل ما افرحها
الله يحفظها و يحميها
والله يهديها و يصلحها
ترخصني احيانا و تجرحني
وانا اللي اغليها ولا اجرحها
احبها بجنون وبطيبي
تزعلني وانا اللي اصالحها
قولوا لها يا اهل الجنوبيه
ترى الجفا ماهو بصالحها
باتخسرالانسان و الشاعر
اللي يقدرها و يمدحها
بعض الغلا كتمانه احسن له
ياليتني ماكنت اصارحها
الحب له سلطه وله هيبه
واشياء لا يمكني اشرحها
لئيمه تدري انها جنونيه
ودك بعض الاحيان تذبحها
من كثر ماهي حلوه موت تحس
هي اللي مختاره ملامحها