كلمات أغنية الحسن كله
الا يامن ملكت الحسن كله
من اللي علمك قطع الوصالي
تحملني الخطا من دون زله
عذابي كيف في شرعك حلالي
يجوز الخل ينكر صدق خله
تكرم بس جاوب لي سؤالي
عقب ما كان ودك في محله
مديم ساكن في وسط بالي
اسرت الروح روحي مستحله
من عيونك و حسنك و الدلالي
انا بي من الهوى مليون عله
من اسباب الصدود وضاق حالي
حياتي من غيابك بي ممله
ذكرت الامس وايام الخوالي
وقلبي من غيابك في توله
حرام البعد واهات الليالي