كلمات أغنية احتاج لك
- كلمات
- خالد البذال
- ألحان
- حمد القطان
احتاج لك حاجة غريب للاوطان
ضاعت حياته بين ديره وديره
اشتاق لك احيان واحيان واحيان
والفكر يمك كل يوم اديره
ولهان اشوفك صدق ولهان ولهان
وافز لا جابوا لك الناس سيره
اقوم واقعد والتفت واسهر احزان
وجروح قلبي من غيابك خطيره
احبك بصمتي واحبك بالاعلان
وماهمني كثر الكلام وقصيره
انت المهم وانت الاهم وين ماكان
واشياء لك في وسط قلبي كبيره
ياكثرهم حولي من فلان وفلان
وماغيرك اللي له عيوني سهيره
شافوك في عيني وحبك لهم بان
شافوك وماتوا بين حيره وغيره
غنيت لك احلى كلامي والالحان
وغنيت لك شعرك وغنيت غيره
من كثر ما احبك ترى الكل زعلان
هم كيفهم كلن يحكم ضميره
حبك في دمي باقي كل الازمان
كل ماذكرتك نبض قلبي يثيره
انا حبيبك وانت لي اصدق انسان
بيني وبينك حب واشيا كثيره