كلمات أغنية ماهي طبيعيه

غطرفي يانجد فدوة جديلك لاتمايل
يثني دونه نصاب السيوف المرهفاتي

لانتظم عقد ابمواريث في عقد السلايل
محمد من نسلة ستة حرار جارحاتي

فيصل ابن محمد الشهم خيال الاصايل
فارس الشقراء وشوق المهار الصافناتي

الليله الافراح ماهي طبيعية
تزف فارسها مع الجو وتلاحي

حفيد راس المجد من وين ماراحي

يالغيمه اللي فـ الوطى جاي لك فيه
تحضني نجد وروابيه وارتاحي

الديرة اللي نارها دايم حيه
من دونها سيف المعازيب ذباحي

شامت لبو تركي مع الفجر جهريه
وتزينت بالسعد والليل صباحي

لين استقرت له بلاد السعودية
ياجعلها دايم على عز وافراحي

جدانه الاثنين حماية الهيه
محمد ومشعل معايير الامداحي

مامات من خلف كساب الارباحي

نسل المؤسس صقور نداويه
مابين عم وخال شيوخ الفلاحي

اعرض بسيف العز واختار رديه
هذي الرياض ازهت على متنك وشاحي

لو توخذ الانساب بالغصب جبريه
محد هقى منسب طويلين الاشباحي

تباشرت بك بالطروق الحماسيه
وبليلها برق الغلا والهنا لاحي

يليق بك من بين الامهار ريميه
عنود نسل ال جلوي عد القراحي

الليله الافراح ماهي طبيعية
تزف فارسها مع الجو وتلاحي