كلمات أغنية صافي الجو
- كلمات
- مساعد الرشيدي
- ألحان
- ياسر بوعلي
صافي الجو هي اغنية سعودية من اعمال المطرب السعودي راشد الفارس وإليكم ما جاء فيها من كلمات حيث تقول:
صافي الجو مير البال ماهو بصافي
كن باقصاه ريح عاتية مستبدة
فيه رجوى وليف وفيه نخوة سنافي
وفيه شي جديد وشي من قبل مدة
وكل ما جيت ابرمي بعض الاشياء خلافي
استحي لا يقول الهم ماني بقده
وما يهاب الثقال الا الرجال الضعافي
لا تذكرت هذي قلت مافيه صده
ويالله انك تعين ويالله انك تكافي
من شماميت خلقك والوجيه المصده
افرج اللي عليك اليوم ماهو بخافي
وانصر اللي لحاله و اغبر الوقت ضده
ورغم مر الليالي والسنين العجافي
ياخذ الوقت حقي واعتزي واسترده
وما شكيت لهروج ولا ترجيت هافي
لين صار الرخا عندي عواصيف شدة
كل ما طال ليلي واشتكاني لحافي
ارتقص والحق لحافي مصير المخدة
ما خلقنا لنوم فوق ديباج دافي
ودايم نفوسنا للكايدة مستعدة
وشيب الراس لكن ما بعد شاب قافي
كل يوم وسيف الشعر يزداد حده
لو غزتني همومي ما اتراجع واخافي
هم نطعن خشاه وهم اخر نقده
مـيـكـس وماسـتـر : عمرو هاشم
هندسة صوتية : محمد عصمت محمد الوثلان ايمن عبدالموجود
الكليب الرسمي : Youtube