كلمات أغنية ياللي خذيت القلب

ياللي خذيت القلب مني وصديت
يا كيف تهجر بالهوى من توده

انت طلبت القلب وانا لك اعطيت
اما تصون القلب والا ترده

ياما على درب الشقا لك تعنيت
ضيعت عمري بين روحه ورده

كل ما لفاني منك مرسول لبيت
وانت رسول اشواق قلبي ترده

توني عرفتك في فؤادي تسليت
يا خاين ما صان بالحب وعده

ابعد ترا صبري نفذ منك مليت
تعبت اصارع جزر حبك ومده

انا اعترف يوم تخيرتك اخطيت
طاوعت انا قلبي وهذا مرده

غير انسى جرحك بالهوى ما تمنيت
يالله عسى بالصبر قلبي تمده