كلمات أغنية لا باس
ياسيدي مبري مشافى من الباس
وعساك ترفل بالمسرات دايم
طلتك مرتاح بها راحه اجناس
يا سيدي راحتك راس الغنايم
انت العميم اللي وسع كل من قاس
وانت الزعيم اللي فدتك الزعايم
وانت الذي في ساحه المجد غراس
تشهد لك ايام جداد و قدايم
ياللي عليت بديرتك رافع الراس
عظيم ماتقبل بغير العظايم
ياليتنا دون الكدر عنك حراس
وياليتنا بينك وبين السقايم
يا سيدي يابوي لا باس لا باس
وعساك من فوق الملا تاج دايم