كلمات أغنية عشر اشياء

حشا لولا عشر خصك بها ربي عن الباقين
ابد ماكان من شافك تطيح الناس من عينه
دلع لين وشقار وخف دم ومخملية عين
خجل ملح وجمال وصدق هنا للي تحبينه

ظلمتي من يجي بعدك يجون وكنهم مقفين
قهرتي من يجي قبلك لو انه شمس تخفينه
يغاير كوكب الأرض السما الدنيا متى تمشين
يقول انه حظيظ اللي تواضعتي تدوسينه

ولو الله زوج الشمس القمر ثم انجبوا نجمين
حشا ما جابوا اللي يشبهك نوره ولا زينه
بنفسج نرجس ونوار خزامى سوسن ويسمين
ربيع ينبت بثغرك ترى لو ما تبلينه

وآنا عني خلقت آسجد لربي والتزم بالدين
وآفكر كيف اسوي شى في دنياي ترضينه
أحبك وأعشقك وأحيا بحبك لين أقول آمين
وليف بالوفا والحب أنا اول من تعدينه

وعلى الكون الحرام انه من اول خلقته للحين
أبد مازاره اللي يحاليك بموازينه
وحشا لولا حلاك اللي رفع قدرك عن الباقين
ابدا ماكان من شافك يشوف الجنه بعينه