كلمات أغنية زحمة الدنيا

ركضت بزحمة الدنيا ادور خاتمه لكتاب
ابنهي قصة الوحده احد اطول حكاياتي
وانا اعرف البشر فيهم خبيث وطيب ولعاب
انا ما ابي احد منهم يزود من معاناتي

ابي اعشق مثل غيري ابي اهنا ولا ارتاب
ابي انهي الم خوفي ابطرد ظل ماساتي
ابي اغفى على صدر يطمن قلبي المنصاب
ابي حب يدفيني ويرسيم ابتساماتي

ابي من يسمح دموعي اذا ضاقت بي الاسباب
ابي راي يرسيني اذا غصت بمتاهاتي
ابي من ما يخليني اذا خلوني الاحباب
ابي اصدق بشر يوفي لو رحت لمسافاتي

بديت اسال عن احلامي لقيت قبالي الابواب
اخاف ادخل ولا اطلع واغرق في خطيائتي
صحيح ان القدر واحد ولكن للنصيب اسباب
ابي اسعى لغاياتي وخايف من نهاياتي

سمعت انه محد فيهم صدوق وكلهم كذاب
ولكن رغبتي تفرض اشجع احتمالاتي
لعلي اسعد واهنى والاقي خاتمه لكتاب
كتاب داخله يحكي احد اطول حكاياتي