كلمات أغنية رمش المها

ما وقف ليل الغرام الا على رمش المـها
والرموش سيوف عرضه تحت بيرق من الرجال
كل شمس من صباح الخير تشرق باسمها
قطعة من سحر بابل زينها السـحر الحلال

عذبت كل البنات وغيرها ما همها
القلوب تذوب فيها والقمر منها ظلال
حقق الله حلم قلبي حقق الله حلمها
صار لقيانا حقيقه من بعد ما هو خيـــال

إنتي أفكار القصايد والحروف ونظمها
وإنتي المعنى الحقيقي للتواضع والدلال
سولفي منك السوالف يالغلا ما أملها
من يعرفك يدري إنه ما في هالدنيا محال