كلمات أغنية درب الهوا

كان العمر كلو صفا كنا سوا ليل وسهر
والنور عم يمشي حفا ويفارق غصون الشجر
انت وانا ونسمه جفا هبت على الحلم انكسر
قنديل هالليل انطفى وين القمر ما في قمر

يا شوق يا حرامي الغفا يا مرخص دموع البشر
يا حب لمحه واختفى ما عاد شفتلو اثر
يا برد عم يلغى الدفا يا دموع عم تمحي الصور
حكمه وما كنا نعرفا انو القدر هوي القدر

شو صعب يا درب الهوا يا زارع بقلبي التعب
مش هم ما عدنا سوا ولا هم نبرم ع السبب
المهم من بعد الغرق ننسى العذاب الي مرق
بعدك يا قلبي الي احترق مغروم حرقه باللهب

من وقت ما الكون ابتدى كانو تنين بهالدني
وما كان في غيرون حدا وما ينطفي الحب الهني
قلبون على الشوق اهتدى صارت سنه تسرق سنه
تا صار يوسع هالمدى والبعد يكبر بالدني

واليوم صرنا ع الهدى نحرق حياه مزينه
ما ضل بالورده ندى ولا في غصن عم ينحني
وبقيت وحدي ما عدا احلام عمر الولدني
لا صوت حتى ولا صدى ينده ويسال شو بني

شو صعب يا درب الهوا يا زارع بقلبي التعب
مش هم ما عدنا سوا ولا هم نبرم ع السبب
المهم من بعد الغرق ننسى العذاب الي مرق
بعدك يا قلبي الي احترق مغروم حرقه باللهب