كلمات أغنية عملت على الناقصين مزاد

تحيه مني لكل واحد
لسا عايشها بوش واحد
ابيض عليك يابن الحلال
واسود عليك يابو قلب جاحد

كرفت كل البياعين
والدور عليكو يشامتين
حرقت دم المحروقين
رجعتهم تاني معجبين

عملت عالناقصين مزاد
بعدت عن كل ال خاب
هبيعكو وبرخص التراب

سم اللسان وقع كلام
خلي السواد والغل بأن
بأن الصفار وسط الهزار
عارفكو اندال من زمان

انجح عشان تثبتلهم
أن الفشل كان منهم
رد بنجاحك عالي قال
انك هتفشل زيهم

شجر المحبه طرح وجع
ريتش النفاق زاد وارتفع
حتي الي قالك قال عليك
بطل ياعم تعيش جدع

انك تخونك صحتك
وانك تكون بين عزوتك
وبردو حاسس وحدتك

فيرس عنيهم دا انتشر
عينهم بتفلق ميت حجر
حاطين في كل مكان ردار
بيراقبو بيه كل البشر

يالي بتسمع قصتي
ادعيلي واسمع شكوتي
دا مقدروش ليا الجميل
وف ثانيه باعو عشرتي

عالم ابالسه عالم رخاص
والغل ف قلوبهم ياناس
وانا غلطي برده كبير اوي
اني امنت من الاساس

خلو الاصيل ناكر الجميل
وابن الحرام مالمخلصين
خلو الي عايش مش جدع
مالاولياء الصالحين

ابن الاصول زي الميزان
يوزن بلد وسط الرجال
ومينحنيش ولا ينكسر
ولا يشغلو شويه العيال

ايامي ليه متشقلبه
دولاب وحاجته مكركبه
زي ما اكون عملت ذنب
عايشه عليه متعذبه

معرفش ياما جرالي اي
ده حصلي امتي ازاي وليه
اصل الحياه تنقي النضيف
بتذلو و وبتلعب عليه

انسي الي خانك وال فات
اصل الي خان زي ال مات
ادعيلو ربنا يرحمو
وارميه في رف الزكريات

قد الوجع قد الجراح
ميهمنيش كل الي راح
هصبر وبكره هيجي يوم
اضحك وفيه بالي يرتاح