كلمات أغنية يا حاسدي

يا حاسدي هذا انا جيت او رحت
والواثق ب نفسه ترى دايما فوق
غالي وبعد مملوح ولا من تملحت
ازيد سعر الملح و يخلص من السوق

ما هزني رايك اسريته او بحت
سكوتي ماهو خوف لكن من الذوق
ما جادل الجاهل واذا صاح ماصحت
اخاف بيني وبينه اتضيع الفروق

ماكنت في عيوني عشان ازعل ان طحت
ولا كل واحد كلمته تلمس العوق
يبقى القمر عالي وتبقى البشر تحت
كل يعرفه و ما يعرف اي مخلوق

في الناس لي مبدء شعار انحته نحت
ودك تشوف الشخص اخذ منه منطوق
ولا انت لا ذميتني او تمدحت
ترى القرادة ما درت عنها النوق

ما هو غرور اللي اقوله و صرحت
بالزين اخذ عيني وتعال اسكن الموق
النخلة ما تعطي الرطب مهما لوحت
تجني رطبها يوم ترقى للعذوق

بعض البشر يحرجك من ذوقه البحت
والبعض لوببلاش ما يسوى في السوق
وهالنوع لا صادفني صديته ورحت
عشان يعرف حجمه و يصحى ويفوق