كلمات أغنية عشقتو من نظرة
عشقتو من نظرة هو قلبو خالي
كيف الطريقا البيها يتم وصالي
ما أصلو ما ممكن يرد لي سؤالي
كأنوا ما شاعر كيف بشغل بالي
يمر علي كالطيف وتضوي اللآلي
العقل فار واحتار فيك يا غزالي
سألت مين ياناس هذا المثالي
اليانعة وجناتو والخصروا بالي
المحتشم ومهذب وطرفو حالي
هل حور أم أنسان أم شيء خيالي
وفضلت أترقب برقو الموالي
وأمتع النظرات في كل غالي
ويا ناس أجيبوني عن سؤالي
عشقتو من نظرة هو قلبو خالي
كيف الطريقا البيها يتم وصالي
وقالو لي ده الملهم في نفسو عالي
وفارض علينا هواهو وهو سالي
ده المستحيل ينزل من العلالي
ده الموحي للشعراء الدرر الغوالي
عشقتو من نظرة هو قلبو خالي
كيف الطريقا البيها يتم وصالي
ولكن غرامي عفيف وأنا ما ببالي
وروني وين أهلو أكسب منالي