كلمات أغنية يالايمتني

يالايمتني ما بقى لي شفاعه
ساد الشكل وتغيرت كل الاوضاع
ما عاد لك مني ولا حرف طاعه
حل الفراق اللي على الوصل قطاع

في طي لحظه افترقنا بساعه
ماني على فرقاك يا بنت جزاع
ما يمنعك خافق يعرف المناعه
لو للهوى في خاطري حمل ووضاع

اغواك ومن هو ساعي بالقطاعه
وشلون تفكيرك على الذم ينصاع
تعطيه للهرجات واهل الاشاعه
لولا بني جنسك على الغيرة جياع

للصدق في نفسي بحفظه وداعه
وللفكر بخصال الموازين جماع
اقدم جميل العطا باستطاعه
قدمت ما عندي ومنك العطا ضاع