كلمات أغنية تعالي

تعالي نسكت احسن من كلام تاليته جروح
نحب بصمت دام الصمت ما يجرح مشاعرنا
انا وانتي يطول الصمت والدمعه وكثر البوح
وليل ما بقى به حيل ينهانا ويامرنا

بكى ما كنه اللي كان يغرينا فرح ومزوح
سكت ما كنه اللي كان ملهمنا وشاعرنا
توحي تسمعين الليل مدري وش بلاه ينوح
على ضحكاتنا والا على كسرة خواطرنا

اذا يبكي من الفرحه علينا علميه يروح
واذا يبكي حزن تكفين قوليله يسامرنا
ويجبر خاطر قامت هواجيسه تجي وتروح
يشوف الحال ويكف السؤال اللي محيرنا

صحيح انا صبرنا واعتبرنا صبرنا مصلوح
ولكن ما بقى شي عقب هذا يصبرنا
دخيل العاتق اللي له ورى ليل الجديله وضوح
وفي جاه الشفاه اللي بنسمتها تعطرنا

وفي وجه العيون اللي بقى للدمع فيها روح
لاجل خاطر ليالينا وماضينا وحاضرنا
تعالي نسكت احسن من كلام تاليته جروح
نحب بصمت دام الصمت ما يجرح مشاعرنا