كلمات أغنية البارحة

البارحه يوم درب العشق هلابك
اهتز قلبي على طاريك من شوقه
غنى لك الشعر ولساني تغنى بك
واهديت لك من لحن شعري وطاروقه

الله يسامح جفاك وكثرة غيابك
ماكن لك قلب يجري الدم بعروقه
اقفى بك الوقت عن دربي وقفى بك
وانا اتحرى اللقا تبرق لي بروقه

اجي لدارك واغض الطرف عن بابك
اخاف من عاذل يحرجك منطوقه
ماودي الناس ياأغلى الناس تغتابك
والناس ماترحم العاشق ومعشوقه

متى اشوفك واشوف الكون يزهى بك
وياتي نهار اللقا ونعيش بشروقه
تعال جدد وصالك وافتح كتابك
وافتح لي القلب افتش بصندوقه

يمكن اني القى عذر واقفل عتابك
واريح اعصابي اللي كان محروقه
هذا وهو طيف رحب بك وهلابك
وشلون لو ان اجتمع بيموت من شوقه