كلمات أغنية ينكسر قلب الشجاع

بعد ماغاب الشفق والليل داهمني ظلامه
يالله بـ ليل يكف الضيق ويعم السكينهه

كم لي اصادم ظروف الوقت لعيون الكرامه
مابغيت الناس تنظر لي بنظرتها الحزييينه

ان تعبت من الحياه آتعب وانا مرفوع هامة
اعتنز بـ الله واقوي عزمي الله لايهينه

وجد حالي يالهوى الغربي ويانوح الحمامه
في خلا يطرب له العايف من زحام المدينه

واترك اللي مايناسب خاطري زينه وشينه

يمكن الانسان يجحد كل شي يمر آمامه
بس لايمكن يخفي حزنه اللي وسط عينه

لو قدر يستر على الضيقه ويعطيك ابتسامه
ماقدر يستر على جرحه وينسى جارحينه

ينكسر قلب الشجآع أن ذاق طعم الانهزامه
لو نشدته عن طموحاته يقول الموت وينه

مايميز قيمة الشي الثمين الا انعدامه
المتاآح يقل نسبيا عن الاشياااء الثمينه

من يقوم يقوم بالواجب وعز الله مقامه
بس لايخفض جناح الذل غير لوالدينه

كل يوم تصاافح الامجاد والعليا يمينه

عشت يامحسن وفعل الطيب ابلغ من كلامه
والسنافي ودك ان الله يطوول في سنينه

امدح المطنوخ وافخر فيه واطش العمامه
والحسود اللي يعذرب فالعرب ديني ودينه

لاحضر طاريه اشوش معه واذبح لي كرامه
اكرم الطااري لو ان البعد من بيني وبينه

انت يامحسن خذيت من الفخر ذروة سنامه
كنك تقول اكبر فعول الفخر عندي رهينه

اضرب بفعلك جبال طويق في قمة تهامه
وش يردك وانت طيب راس وجنوبك متينه

يزبنك من حدته دنيا العنا والوقت ضامه
ذا مخلص له لزوم وذا مخلص عنه دينه

راسك الطيب من يصافيه يبشر بالسلامه
كن ربي زارع حب المراجل في جبينه

للكرم عنوان وانت يمينك الجزله غمامه
دون وجهك تصرف اللي فالحساب و فالخزينه

محسن متيعب عطا علم الوفا جل اهتمامه
عان عدوانه يجرون الحساير والغبينه

من رفع نفسه ومقداره تعداه الملامه
وكل ناجح تكثر اعداءه وتكثر حاسدينه

مايذوق الهون والتقصير من محسن حزامه
سعد من حطه حزام له ومن حطه يمينه

ابن مفلح فارض نفسه وقدره واحترااااامه
ماتعذر دون وقفاته لو اعذاره سمينه

من دعاجين الكرم والعز حامين الجهامه
بأم خمس وبأم تاج وبالمراهيف السنينه

لاارتفع صوت الحمايا واعتزو بـ ام اللثامه
تورد الهايب على الكايد وتفتك الرهينه