كلمات أغنية يقلط العجمي على الامجاد
- كلمات
- محمد بن فالح ابن عسكر
- ألحان
- خالد ال بريك
منطحن وجهي ذعاعيع الهبوب اللي هبوبه
تجعل الشاعر يهيم بـ وادي كله عشاقه
واقبلت عذرا تطق اصبع ودوب الليل دوبه
فارع عنقا على الطرق القوي فيها شفاقه
درة ما حاشها الطواش لو ينفض جيوبه
خل عاد اللي يقول انها معى الجن بعلاقه
شاعرن وقفته محسوبه وكلمته امحسوبه
وان حضر يصير لـ الشعار وقفه وانفهاقه
نذبح العذر السمين اللي يجملنا افراقه
يبتجح فينا الرفيق ودونه الروس معصوبه
كيف لا صار ابن عم وعاني وحماي ساقه
يا محمد والوعد فالمحفل اللي من شبوبه
صار ليله مثل صبحه من سنا ضوه شراقه
محفلن من كثر ما كل النشاما رحبوبه
صار مردود السلام ارحب على عز وطلاقه
كل الارقاب معفوته والعيون تلد صوبه
ابلج سيرته عطره ماهي بـ فاقه وفاقه
مفلحين من وقوفه تنتفض الارض الرحوبه
من بني عمي هل البندق واهل خيل وناقه
في نواصيها عذاب وتحتها تسعين عاقه
وادي العجمان قبله لين تاصل لي جنوبه
يوم لـ الجيش احتفاله صار للخيل انصفاقه
ذي مناويخ ابن زبره محسن وهذي دروبه
الامير الموت ذاقه والمليك الدمع راقه
صلب جدي ذخر يام ان صار لـ الميدان شوبه
صار فـ ارواح العدا ذله و في ايدينا ازهاقه
وان حدونا واعتزينا يجدع الرجال ثوبه
ليل ادهم فيه ثار وفيه لـ البندقه تفاقه
حولوا غرامتك يا امير والشيخ ارثعوبه
حجة ايدينا وتسلم روسنا والله ساقه
المرازيق الدهايا كل طاغي حولوبه
تحت هيبتنا وبطش ايماننا ماهي دراقه
عاد بقعا في صباها يومها بنت لعوبه
لين شابت مجدنا بأفعالنا جدد وثاقه
يقلط العجمي على الامجاد وتخلا دروبه
وان قلط فـ الصدر ما يقلط على طارف شقاقه
يا ابن محماس القصيد النخبوي لا بدعوبه
كان ما ياتي لمثلك والله ان ماله شفاقه
الصداقه والاخوه ماهي بنوبه ونوبه
تعجز بيوت القصيده توفي حقوق الصداقه
معلومات الاغنية
يقلط العجمي على الامجاد
في حفل محمد بن راشد ال محماس
كلمات الشاعر محمد بن فالح ابن عسكر
اداء خالد ال بريك