كلمات أغنية هواجيس القريحه

ياهواجيس القريحه بلا منه
حظري مادام هالموقف إلزامي
من تغيب ما يرد الخبر عنه
حتى لو انه من كبار الاسامي
ولا وقف راع المواقف هذا لانه
خابر الضرب المخلص يجي حامي
الشعر في داخل صدورنا كنه
البحر في روجه و موجه الطامي
وكان قالو غن قاف الطرب غنه
خذت مسباحي وقمت اتعب اقدامي
فوق مدهال اسحم لا ضرس سنه
تجفل البل لين تبدا بالأرزامي
يوم اغني بالرياجيل الأكرامي
وابن رمثان المدايح تنصنه
مني ومن كل رجال مقدامي
عايد اللي مدحته ماهي بـ سنه
واجب ضمن مواجيب الإسلامي
يجذب العربان نجره اليا دنه
في محل تحمده كل الانامي
ماهو بذاخر طليه ولا بنه
ولا هو اللي حاسب جور الايامي
اترك اللي مقرع كنه الشنه
والله انه ثابت طول الأيامي
والرفيق اللي له عزوم تعنه
للمراجل والوفاء والتقدامي
لا بداء لازمه يبشر على ضنه
في وجوبه يعتبر زامهم زامي
فوق متنه بشته ولا لها عنه
عاد ريان أن بداء اللازم حزامي
قبل لا اسميه ابلقاااه قدامي
العموق اللي من العود يحدنه
والنعم قسمه ولا هو بـ منلامي
النجوم اللي على المتن يزهنه
واسمه اشهر من مشاهير الاعلامي
من بني عم عزايمهم مرنه
حيهم في كل ميقاف مترامي
لااحتمى الماقف وجاء للطرد عنه
لااعتزوا بـ عيال راشد ماتنضامي
الفريدي من لياليه خاننه
يقلط ويلقى السعد شرق وشامي
عزوة في صفهم ماحصل لنه
يطرخ البيرق على كل الاعلامي
عاد ربعي حرب عن لاهب الكنه
محتمين الجار من سيف الاخصامي
والرفيق الروح والمال يفدنه
وبالكرم منزالنا فوق متسامي
معجزات منها الأخصام منجنه
ثابته ماتنمحي طول الاعوامي