كلمات أغنية مراد الامداح
- كلمات
- نايف بن فواز
- ألحان
- خالد ال بريك
الصدر رهن الهبوب اللي هواها طرق
تامر وتنها عليه وتاخذ اللي تبي
ايلين قلب الشجاع اللي مالان وخفق
لاشاف سود الجهام وشاف سود العبي
قاومت موج يهابه من يهاب الغرق
يخف ويزيد وحموله على منكبي
تغير الحكم صن وزان لعب الورق
والفوز مضمون بين بغاشي وقربي
الا منابر مظيم ومنبر ابوظبي
جاء للقصيد احتدام وللمعاني نسق
ماتبرد افكاره الا في دماغ الغبي
باب السنافي وباب المدح ماينغلق
ياللي جدودك جدود ومنسبك منسبي
والله ورب السماء والارض واللي خلق
انك حزام الرفيق ومسند الاجنبي
عليكك كل الصفات الساميه تتفق
مثل اتفاق الرواه لما رواه النبي
متصنع الطيب طيبه مره ويحترق
والا انت ياكثر ما جيتك ولابرت بي
ماهوب يطمع براس مثل راس الظبي
ياعيال محسن ومردود الثناء المستحق
على الكبير المقدر والشجيع الصبي
افعالنا مالقى العقاب فيها مطق
يجي لها مشي والا زحف والا حبي
الصدق سيف الكلام وشيخه اللي نطق
لاجاه ابو علم معه علوم قال تهبي
تو المفاخر بحور موجها يصطفق
كنها تنادي القرايح ياضمي اشربي
حنا شهران ونبانا لاتبختر صدق
اكثر ماتحوي السير من رفنا المكتبي
اكابر المجد ونزايد على من فرق
لو يمسك الغيم قلنا للنجوم اقربي
هل مرحبا تبهج وتمن وتطرد قلق
والفزعه اللي تبشر من يقول طلبي
مراد الامداح وطروق ماهيب تتطرق
بيارق سيرها يوم الرصاص حلبي
هيبة جلال العظام اللي زهاها الحلق
مارث جدود ما دار شبوكها الاجنبي
بنات هرش وبرها مثل لون الشفق
تاخذ شبابي وتاخذ راحتي وتعبي