كلمات أغنية قرص الشمس
- كلمات
- عبدالمحسن خميس
- ألحان
- خالد ال بريك
الى مال قرص الشمس ميلت للمنكوس
أغني وأنا طربان في بدع قيفانه
شعوري معه أقرب من الواقع المحسوس
أعيشه مواقف واتغنا مع اللحانه
أجيبه صكوك مهذبه وافي ومقيوس
حفظته عن اللي ما يطرون سفطانه
نجي للمدايح عرف ما حن نجيها عسوس
مثل عرفنا للي مراجلهم لعانه
مايدري قرينه عن سواليف وجدانه
وأنا قد خذيت امن الصعايب عبر ودروس
ياكم صلفقتني بين عجه ودخانه
عن الهم عندي هم يالمعرس المضروس
مايقدر يشيله غير عزمي وضلعانه
ياشين اللحم لا من نخر وسط عظمه سوس
يبيع الوصل واللي معه بأرخص اثمانه
مصارع مقادير الحياه بوجه مشموس
ما يثر على اللي عز قدره ولا هانه
انا مرتن أضحك ومره تقل منفوس
من اللي حصل لله شكري وعرفانه
على الله توافيقي وماراد في شانه
يجيب المطر ربي بعد مجريات الكوس
يصير العمر أفراحه أكثر من أحزانه
على الصدق ما يحتاج اوصيك يالهاجوس
عسى من مدح له خايبن يفتر لسانه
على الديرة اللي كنها جنة الفردوس
نسوق الخطاوي للسنافي وديوانه
سلامي على شيخ العوامر ابن كردوس
يحطه على الشيخان فعله وديدانه
معالي محمد مستشار لكبار الروس
يعتق الرقاب ويوفي الدين ديانه
مع اسمه تعودنا على النعم والناموس
تقول انها واحد من أسماء جدانه
يا قل الكلام ان قلتلك طيب وفاعوس
لحالك ف خانه وباقي الناس في خانه
معك مانحاتي لا صدر للخطر ناقوس
نجيب الخطر وندق عرقه وشريانه
بواكير وسمك مالها لاعطيت طقوس
سوات السحب بالخير والجود مليانه
على مجلسك تلقى المجاميع قوم ودوس
حدن مالي بطنه وأحد مالي اعيانه
تبجح فخر وأنت الفخر صار لك ملبوس
تراك انت من يعطي له المجد صوانه
مكانك من افعال المعالي ملي بالكوس
مابه شوط للعليا ما قفلت ميدانه
ترا الفوز يا باغي على الفوز حد الموس
ختمها بمسعوده على الذود سلطانه
حزامك سفير الدار للمرجله قاموس
هذا والله اللي تفرح الناس من شانه
فهد يا فهدنا وانت للمعظله فاروس
عذوق الهقاوي من سواقيك رويانه
مقامك مع الحكام في مرتبة قابوس
وأشوفك بعد تستاهل أكثر للأمانه
على مدحتك ماني مدور عطا وفلوس
لا شفت السنافي صرت واحد من أخوانه
وصلت بشهامتك العظيمة بلاد الروس
يا سبحانه اللي يعطي الناس سبحانه