كلمات أغنية فالقة الوغى

فوق فالقة الوغى اللي تلذع للمطير
من مرابط خيلنا والعلوم موكده

اسرجت لمواجه القوم فاليوم الكبير
وافحمت فالماد والخصم صايبه لهده

كن حافرها على القاع لا طال المسير
جمرة فهقت على جال نار موقده

كسب صبيان الملاحيق فالوقت العسير
يوم للخيل اجتواله وللزمل زبده
فزعتن يلطم بنا الحف والجمع المغير
وعزوتن تامن بنا كل ملحا وبرده

لابتن يوم القبايل تجير وتستجير
الفعول مخلده والاسامي مخلده

١

وان دعانا خادم البيت لاصاح النذير
انثنينا دون دينه وشعبه وبلده

بيعة بن سعود تصدح الى اليوم الاخير
والعهد من يمته كل يوم نجدده
٢
مرحبا باسم اصوك الراس والاسم الشهير
عند ابو مبارك عضيد بن عمه وسعده

وعيلم فـ الطيب لاجاك قبله وبعده

لو تغير موقع الجدي فالقطب الصغير
ماتغير فيه هقوه ولا كل جهده

ولو تقر الشمس فالكون في تالي عصير
مايقر المال عنده على راحة يده

ضلعنا اللي نحتمي به ضحى الشر الشرير
وراس مال نذخره مثل ذخر الارصده

في محله جيت ارحب بجمع فيه خير
جمع طيب نشكر الله عليه ونحمده

٣
مرحبا بـ هامة مضر شذرة السيف الشطير
لابتن في ضفها يامن الرجل ولده

دولة تاريخها قد تغنابه جرير
كيف عاد الشاعر اللي يدوبه فـ مهده