كلمات أغنية صواديف الدهر

من يطلب العليا فلا يرخص السوم
المجد ما هو قسم نفس بخيله

للناس عادات مع الناس وسلوم
يرقى بها الرجال راس الطويله

من قدم الحسنى والإحسان معلوم
ينال من مولاه كسب النفيله

ومن قدم الحسنى على اللوم والشوم
عدله سبق عن ضيعة الرأي ميله

شفيعه محمد وربي كفيله

ولو يرحم الظالم من الخلق مظلوم
الوادي الممحل جرى فيه سيله

ما نال من شاور على حقه رخوم
إلا مثل ما نال من هد فيله

المجد يبغي له شغاميم وقروم
يوفون بحقوق الزمان الثقيله

بادت حضارة قيصر الفرس والروم
ولا بكتها عين خلق كحيله

بالمنتحي ما ينفع العذل واللوم
أطلب له الله واتركه في سبيله

ويحتاج لك حاجة مصر فيض نيله

العز من بين المخاليق مقسوم
ويفوز به من طيب راسه دليله

كم واحد وده بمجد مع القوم
وعيت صواديف الدهر تستويله

وكم واحد يحيا من الوقت ملطوم
لطم يشاف ولطم كبد غليله

وكم واحد من نعمة العقل محروم
وماله على ماقدر الله حيله

وكم واحد يلقى به الكبر والزوم
مجد على راسه يعود فشيله

وكم واحد يمشي مع الناس مهموم
وهو من رجال الحسب والفضيله

مادامت الدنيا لحد دايم الدوم
تقصر عن الغايات خيل الوسيله

أطلال دار فوقها يلعي البوم
الله من يوم زهت به وليله

وظرف على ما فيه بالختم مختوم
الله من عين وعين تخيله

متعلق بين السماوات ونجوم
سبع الأراضي كلها ما تشيله

ما يشرب إلا من جبابير مسموم
تشوف ناره فوق راس الفتيله

يدري بها اللي عن سما الديد مفطوم
ويجهل به اللي عن للعرف خيله

ما هوب ضرب من ضلالات ووهوم
واف على ما قدر الله كيله

والهقوه اللي مالها جنب وعزوم
تطيح دونه حيلة مستحيله

وحرص تحرص به يفكك من الحوم
حولك من اللي يحسب البعد عيله

لا والذي تسجد له الخلق وتصوم
ولرضاه بيته والمقام تعني له

أن الوفا له بالعرب حد ورسوم
عند الذي يظفر بكسب الجميله

وروض يفوح بريح شيح وقيصوم
له نظرة تشف النفوس العليله

أكثر عيون الخلق ما تقبل النوم
يشكون هم دقاقها والجليله