كلمات أغنية دق المنبة
- كلمات
- عيضه الثبيتي
- ألحان
- خالد ال بريك
دق المنبه وأذن المذن لو القلب النبيه
احيان لا منه غفى صحاه نسناس الهواء
في جوف صدري قلب ذيب فيه مدري ويش فيه
صوته يهز الحيد لا منه قنب والا عوا
صوت البنادق مايرده عن مكان منتويه
ضاري على صوت الرصاص اليا سرح ولا ضوا
مثل ماتبطشبي همومي واعتزي واقول هيه
عندي ثقه وعزومي اتوردني لـ عد الروى
امسيت في راس الهدا وأصبحت في وادي طوى
الشوق مايقبل وش اللي صار واللي صار ليه
عسى النوايا البيض ياصلها الشجيع اليا نوا
أما تجمل بالكلام اللي ماحد ينقد عليه
والا ترى التاريخ مايرحمك والراوي روى
اللي تجمل في رفيقه يرحم الله والديه
واللي يجنب عن رفيقه لو تلزم به هوا
يكفيك عن وجه الربادي والمنافق والسفيه
مطنوخ راس لا نصيته يرفع الجندي لواء
الكفو سلمه سم وابشربي وهاك اللي تبيه
فزعته في صعاب المواقف تعتبر مثل الدواء
والفرق ماهو فالجروم الفرق فرق المستوى
أقرب مثال لـ الادمي لو طالع اصابع ايديه
ايديه تشبه بعضها واصابعه ماهي سوا
حي الرفيق اللي بعلم الطيب تندى راحتيه
من طيب راسه يحتوي من هو يحطه محتوا
ياسر نشاء من كثر ترحيبه ينومس من يجيه
امعرب الجدين والطاله مهاويها هوى
عزالله أنه ماخذ من طيب جدانه وأبيه
طيب يجيب أبشر و ينهي ما أقدر ومالك لوا
امحامي ومطنوخ وسنافي وطحطوح و وجيه
كفو نماريبه وحفله من يريده ماغوا
العود الازرق كنه يرحب ببيضان الوجيه
في حفل شيخ لاطرالي قدمي الخط استوا
هذا نشاء فلحان راسه ماش راس يعتليه
يجود من طيبه و مرهي فالمواقيف رهوا
كريم سبلا اللي مايحسب للريال وللجنيه
منصى الضيوف اللي على الخولان صايبهم خوا
اهديبي وقت المواقف حظ منهو ينتصيه
عسى فداه اللي ليا جات المواقيف التوا
اليا لقا العود المعتق ينتقيه ويشتريه
طعام نار تدهر والضيف مايشكي طوا
للعز يالاد المقاطي مجدكم ماله شبيه
اليا اعتزيتوا يركد الشيطان ملعون الثوا
فالوقت الاول والذي صار ابعده واللي يليه
مقدم عتيبه لا احتمى الميقاف والعج انزوا
حنا عتيبه و الكلام اللي نقوله نحتميه
هيبه وقوه ضاربه ماهي على العاب القوا
على الفخر والطيب والنوماس والعرض النزيه
تاريخنا يقلط بصدر المكتبه مما حوى
اللي يماري بالصحيح ايب الله ايه ايب الله ايه
واللي كلام بلا فعل ماله لوا ماله لوا