كلمات أغنية حن هل الناقه من اول وذلحين

اسرجت قبا تدحم الجمع وتبين
صبحا على وضح النقا فالمهمات

من مربط دونه غدا الصدر تامين
وعسايفه صمخ البيوت العديمات

في مدح بن ريمان سقم المعادين
شيخ الفعول اللي طروقه مخلات

النادر الصامل سعوط المجانين
تركي ليا جات الامور الصعيبات

ومدات كفه تنزع الفقر لا جات

من الدواهي والرجال المسمين
اعيال مشعل مسرجين الكحيلات

لطامة العايل وقضاية الدين
عاد الليالي والسنين المخيفات

وياحي ذا اليمنا وياحي ذا العين
ياهل الرموز الاوله والوشاحات

وحنا ليا قلنا دحمنا الميادين
وسقنا النوادر واحتكرنا البطولات

مانزعج الا كل صمخ من الزين
يسلب قلوب اهل الدبش فالمنصات

اللي تباريها الغرف والمعدات

وضح البكار معمقات البعارين
اللي نقلط من نوادر مضيمات

رثم الخشوم مقوسات العرانين
اللي تمد رقابها للمجرات

خطواة دلخا لحيها فوق شبرين
تومي براهية السبال الطويلات

وهزعا توخر نيها وانفهق لين
ماعاد لحبال الفقاير مساافات

وحنا هل الناقه من اول وذلحين
فالحرب سادات وفالسلم سادات

دارت رحانا فوق حب المعادين
قدام ترسيم الدول والحكومات

حنا الجحادر ملحقين المخلين
اهل القناواهل السيوف الصقيلات

قوم بن هادي مشبعين السراحين
لصبحت جرد السبايا مغيرات

وان جا صباح مثل صبح على تين
صبح يورخ مثل صبح الشريفات

جوك قحطان مرجحين الموازين
اللي لهم في قمة المجد رايات