كلمات أغنية الفقد

البـارحــة والفكـر مـاهـو بـ وياي
شـارد وخليتـه علـى كيـف كيفه
وانـا على ضوي وجريـت بغنـاي
وهاض الضمير بكل بيت ورديفه
اليـن ســراني على غيـر مـشـهـاي
ودقيـت سلـف الي يروع وحيفه
وسريت من داري وللغرب ممشاي
متعـدي الدوحـه وسلوى وسيفه
طالت بي الطرقه وياشين مسراي
الدرب مظلـم والمناظـر مخـيفه
والليـل ياطولــه ويـابعـد ممـساي
بين النفـود وبين ضلـع وحـتيفه
العلـم واضــح والنـوايا نظيـفه
ابغـي امـفارق زحمـة الرايح الجاي
الكبد من شـوف المباني معيفه
من ضيقـتن فيـني وللـرب مشكاي
تقول في صـدري دويـة قذيـفه
وبيـن الحـزن والفقـد ياكبـر بلـواي
على سنـام المجد عيني ذريـفه
ومن عظم فقدي واصل حزني اقصاي
على عامود البيت درعه وسيفه
أبوي أبـوي اسمـه على كـل مبـداي
مالـه شبيـه الا الجبـال المنيفه
مـطـول وجهـي وجـاهي ويمـنـاي
واسمه يخلي من الثقيله خفيفه
دخيــل وذكــره يجـمــل تعــزواي
الصيت طيـب والمواقـف شريفه
منصى الدريك الي من الوقت شكاي
ومحزم بني عمـه لاجات الكليفه
صخـر حيـاته للمـراجل وظيفه
وصيـوان بيتـه بيـن مقبــل وقفـاي
من قبل قوقل ماب يعرف مضيفه
يارب تغفـر لـه مـع كـل دعـواي
وغيـث على قبـره مايفصل رفيفه
عساه فالفــردوس يارب رجـواي
يامبصــر عيــون العبـاد الكفيـفه
وحقـه علي فالبر واخلص له ادعاي
وانهـج مسـاره بالفعـول الشريفه
في واجب ربوعـي وماتمـلك ايداي
اليـن تصبـح كـل صعـبه عسيفه
واخـواني اهل العرف والعون والراي
محـازمي فـي ذالحيـاه العنيـفـه
افخر وافاخر باسمهم واردع اعـداي
وفي كل عام اتشوف مجدا نظيفه
مـجـدا يخـلي قمـة طـويـق مـركاي
بالطيـب ولا بالسـيـوف الرهـيفه
وتـاريــخ مشــرف مـــع كــل رواي
ومن صفحة الامجاد هذي صحيفه