كلمات أغنية اكلب التاريخ والمجد

نحمد الله حاضر مشرق وماضي عظيم
قمة الأمجاد تشهد وصلوا عالنبي
الفخر ورث لنا من جديد ومن قديم
سيرة الأبطال وأفعالهم ما تحجبي

في جنوب المملكة كلما هب النسيم
تشرق الأيام بالطيب فخر ومنسبي
أكلب التاريخ والمجد في خير ونعيم
شامخة يا جعلها شمسهم ما تغربي

في فيافيها شموخ يباري كل غيم
سجة للنفس والعين فيها تطربي
أهلها وافين وأمجادهم كم تتعبي

شيدوا في بيشة صروح علم مستديم
مدهل الوافين والجود فيهم كوكبي
جارنا يدله وهو بيننا يبقى حشيم
واحد منا نعده ولا هوب أجنبي

في السنين الأولة والفتن شر سقيم
القوي عاش بحياته على نهب وسبي
فعلنا ما هوب خافي بقى ذكره مقيم
كنه يجاوب صدى الصوت قلي وش تبي

من طمع فينا غدى حلمه بوقته حطيم
ما أهتنى نومه ولا طاب زاد ومشربي
ما لنا وجهين حنا وأفهم يا فهيم
الخوي يفرح بنا ومن يعادينا يهبي

وما خدعنا المال والجاه وإلا المنصبي
العقل نعمة تزين بها الجسم السليم
وسدنا يصعب على اللي وسيع المذهبي

حافظين عهودنا وما خلق فينا هزيم
وقسمنا وافي وهذا عظيم المكسبي
الشجاعة والشهامة عطايا من الحكيم
والكرم والجود يفخر بها كل أكلبي

الولاء فينا من أيام أبو تركي الزعيم
ما تغير وآل سعود عز المطلبي
والوطن في ظل حكامنا مثله عديم
عزنا الله بالتلاحم وهذا اللي نبي