كلمات أغنية ما بقوش

رغم اختلافاتنا بنتساوى
بنقي في مشاكلنا نقاوة
يوم نتجرح يوم نتداوى
ونسيب في ايدين غيرنا ونتساب
نقفل ابواب نفتح غيرها
نمشي في طرقات ونسيب طرقات
اوقات الخوف يقابلنا نخاف
واوقات يقابلنا الخوف سلامات

من غدر الناس جبنا اخرنا
مع ذلك بنخاف على غيرنا
فوتنا كتير كتر خيرنا
بنعامل دايما ضمايرنا
ابريا جدا مهما كبرنا
وبرغم ضخامة خسايرنا
باقين على ناس مبقوش باقي

ما بقوش باقين
من طيبة قلبك طمعوا خلاص
حتى الغلبان حب يدوقك
مكسوف تطلب حقك والناس
مبيتكسفوش ياكلوا حقوقك
غرقان بتدور على قشه
ومشاعرك دايما بتسوقك
بيعشم فيك الموج تعلا
وفي لحظه يجيب تحتك فوقك
عمال بتدور على زيك
في البني ادمين
تهرب من فخ تلاقي نفسك
وبقيت تتعاير وكإنك معيوب بينهم
قلبك مكشوف
والناس حواليك بقيوا بوشين
يتخاف منهم
بتخاف ما تقرب مع ذلك
بابك مفتوح
وبتنسى جراحك في فراقهم
بطلوع الروح
وتدخل ناس قلبك تاني
وتقول جايز يطلعوا غيرهم
مايفوتش كتير وتلاقي روحك
راجع مدبوح