كلمات أغنية مليان جروح
- كلمات
- اسلام كابونجا
- ألحان
- محمد صيام
مليان جروح انا نفسي اروح علي دنيا ما بتأذيش
دايمان بشوف غدر وخداع علشان فلوس معييش
اصحابي مين ماليش صحاب دي صحبه مابتوفيش
لو شافوني معايا قرشين بيبقوا جنبي جيش
عيشت طيب شوفت قسوه عمرى يوم ما قابلتها
جيبت أخري ونفسي أسافر من حياتي كلها
والبشر ملهمش قيمة ولا مش محتاجلها
لو فى يوم ناس جت عليا انسوا أنى أرجعلها
الحياه بقت غريبه والبشر بنفوس كئيبه
شكلي هتحط في مصيبه من اللي قاعد اشوفه مالناس
دايما انا لازم سكاتي بس قولت انطق خلاص
كبرت ناس ملهمش قيمه عمري عليهم ضاع
حبين دموعي عاشقين وقوعي منهم بشوف اوجاع
انتوا ليه حبيتوا جرحي عوزين الاحزان في ملامحي
لما يوم بيجيلي فرحي تبقوا عيزني ابقا حزين
ليل نهار شايف عذابي مش بيخلص اكتئابي
بس هقفل ليكوا بابي مش هعامل بني ادمين
ليه بعدي ليكو ليه بشتريكو مع انكم بايعين
شطار كلام وفي وقت ضيقتي بتكونوا مش باينين
قولولي بس قلقيها منكو ولا الاقيها منين
انا جبت اخري تملي ببكي ودموعي عالخدين
ليه عيوني تملي بتبكي ليه بشوف الكسره في قلبي
ليه زميلي في الدهر معدي مش صافيلي وجواه سواد
شكل موتي بجد ده قرب شكله قرب الميعاد
بعتيني ليه دا انا كنت فاكر ان انتي ست الناس
ليه بتخونيني بكيتي عيني وعملتي قلبي مداس
طب بالسلامه بعدك هعيش في العز مش هحتاس
انتي اللي من بعدي هتندمي يا عديمة الاحساس
إنتي أصلا مش في بالي
إنسي خالص تبقي حلالي
ناوي أعشها لحالي أحلالي
مش عايز كدب وحوارات
إديتك حبي وحناني
قلبك الإسود أذاني
كنتي وانتي معايا تعباني
بس قولت ده ماضي وفات